Transferimet më të shtrenjta ne 10 vitet e fundit

Neymar është lojtari më i shtrenjtë në histori. Braziliani në vitin 2017 kur u transferua nga Barcelona për në ekipin e Paris Saint Germain arriti të thyej rekorde të shumta. Ekipi parizien shpenzojë 222 milionë Euro për klauzolën e Neymar. Ndërsa ekipi i cili ka shpenzuar më shumë para në 10 vitet e fundit është Paris Saint Germain.

Më poshtë ju paraqesim transferimet më të shtrenjta në 10 vitet e fundit.

Sezoni 2010-11
Fernando Torres , Liverpool në Chelsea për shifrën e 58.5 mln €
Sezoni 2011-12
Javier Pastore , Palermo në PSG për shifrën e 42 mln €
Sezoni 2012-13
Thiago Silva , Milan në PSG për shifrën e 42 mln €
Sezoni 2013-14
Gareth Bale , Tottenham në Real Madrid për shifrën e 58.5 mln €
Sezoni 2014-15
Fernando Torres , Liverpool në Barcelona për shifrën e 81.5 mln €
Sezoni 2015-16
Kevin de Bruyne , Ëolfsburg në Manchester City për shifrën e 76 mln €
Sezoni 2016-17
Paul Pogba , Juventus në Manchester United për shifrën e 105 mln €
Sezoni 2017-18
Neymar , Barcelona në PSG për shifrën e 222 mln €
Sezoni 2018-19
Kylian Mbappe , Monaco në PSG për shifrën e 145 mln €
Sezoni 2019-20
Jao Felix , Benfica në Athletico Madrid për shifrën e 126 mln €

Gjiganti turk kërkon Besnik Hasin trajner

Besnik Hasi është një nga kandidatët për t’u bërë trajner i gjigantit turk, Fenerbahçe, kanë raportuar të mërkurën mediumet në Arabinë Saudite dhe Turqi. Pos Hasit, Fenerbahçe në listë për stolin e saj i ka edhe trajnerët Okan Buruk dhe Erol Bulut, por që nuk përjashtohet mundësia të emërohet edhe Hasi.

Në fakt, ky i fundit shihet si njëri prej kandidatëve më seriozë. Madje, siç raportojnë mediumet në Arabinë Saudite, Hasi nuk ka dashur ta udhëheqë në stërvitje ekipin e këtij shteti, Al Read, shkaku i ofertës që ka pranuar nga Fenerbahçe. Sipas mediumeve në Arabinë Saudite, menaxherët e ekipit Al Read dërguan aeroplan privat në vendin e tij, Belgjikë për të sjellë trajnerin kosovar që të punojë me skuadrën.

“Hasi është kthyer në Arabi me aeroplan privat. Sidoqoftë, ai ende nuk ka nisur punën. Arsyeja që nuk e ka udhëhequr asnjë stërvitje deri më tash, është se ai dëshiron ta shqyrtojë ofertën që ka marrë nga Fenerbahçe. Sipas pretendimeve, trajneri 48-vjeçar kishte humbur mundësinë për të punuar me parë te Galatasaray, por tani dëshiron të arrijë një marrëveshje përfundimtare me Fenerbahçen. Besnik Hasi kishte qenë në planet e Galatasarayt para se të largohej Mustafa Denizli”, ka shkruar sajti turk “fotospor.com”.

Milot Rashica në Milan?

Mediat në Itali raportojnë se Milani në merkaton verore do të forcojë sulmin, ku padyshim nuk do të jetë Zlatan Ibrahimovic. Trajneri i ri Ralf Ragnik, sipas mediave italiane ka kërkuar firmën e Milot Rashicës dhe Patrik Shikut.

“Gazzetta dello Sport” raporton se më afër është Patrik Shik, pasi që Lajpcigu nuk dëshiron që të paguajë 28 mln euro për të blerë kartonin e sulmuesi çek, ndërsa Milani është gati të ofrojë 20 milionë euro.

Milot Rashica, tani që Verder Bremen shpëtoi nga rënia, ka një vlerësim prej 20 milionë eurosh dhe  Rangnik e pëlqen shumë kosovarin, i cili e vlerëson fleksibilitetin e tij se mund të luajë edhe si lojtarë anësor dhe si mesfushor.

Sllaven Biliç merr Vedat Muriqin në Angli?

Vedat Muriqi do të luajë në Premier Ligën e Anglisë. Sipas mediave turke, sulmuesi i Fenerbahçes do të vesh fanellën e Uest Bromuiç Albion, të cilin e drejton kroati Slaven Biliç. Mediumi turke “Aspor” ka publikuar bisedën mes Muriqit dhe Bliçit dhe sipas kësaj bisede, ylli kosovar ka pranuar ofertën e Uest Bromuiç Albion.

“Ti je një sulmues shumë i mirë dhe kam qenë duke të përcjellur që një kohë të gjatë. Unë dua që të luash në Uest Bromuiçin Albionin në sezonin e ri. Këtu yjet shkëlqejnë”, i ka thënë trajneri kroat sulmuesit kosovar.

Ndërkohë pozitive ka qenë edhe përgjigjja e Vedat Muriqit.

“Të punoj me ty më bën shumë të lumtur. Ti vetëm duhet të arrish marrëveshje me ekpin tim. Unë me kënaqësi pranoj të luaj në Angli”, besohet t’i ketë thënë Muriqi.

Uest Bromviç Albion bën gara në “Championship”, por që pritet të inkuadrohet në Premier Ligën e Aglisë, në sezonin e ardhshëm.

Partizani kërkon lojtarin e Shkëndijës

Sipas gazetës sportive “Panorama Sport” në skenë për merkaton e Partizanit ka dalë një emër që është kërkuar edhe në të shkuarën nga klubi i kuq. Bëhet fjalë për mesfushorin me tipare sulmuese Agim Ibraimi, i cili pak ditë më parë mbylli zyrtarisht aventurën me Shkëndijën e Tetovës dhe tashmë është një lojtar i lirë në merkaton e futbollistëve.

Paga e lartë e futbollistit vazhdon të mbetet një problem dhe është bërë pengesë për kalimin e Ibraimit në sesionet e shkuara të merkatos te të kuqtë, por këtë herë 31-vjeçari mund të ulë disi pretendimet e tij ekonomike dhe ky transferim mund të mbyllet me sukses.

Një shqiptar nga Tetova mbret i merkatos këtë verë, bëri të mundur transferimin e Pjanic te Barcelona

Quhet Fali Ramadani, ka lindur në vitin 1969 në Tetovë të Maqedonisë së Veriut nga prindër shqiptarë, jeton në Berlin të Gjermanisë është bashkëpronar i Lian Sport-Agency, në vitin 2015-të u shpall agjenti më i mirë nga Globe Soccer Aëards, ndërsa në këtë 2020 do të mbahet mend gjatë si menaxheri që ka realizuar dy nga goditjet më të mëdha të merkatos së deritanishme për edicionin 2020-2021.

Një vit më parë Ramadani spikati me transferimin e Luka Jovic nga Frankfurt te Real Madrid për 60 milionë euro ndërsa këtë verë vetëm pak ditë më parë bëri të mundur transferimin e Miralem Pjanic te Barcelona për 60 milionë euro plus 5 milionë të tjera në formë bonusesh. Por Ramadani nuk u mjaftua me kaq pasi mediat ndërkombëtare kanë zbuluar se ai menaxhon edhe Leroy Sane dhe kishte një ndikim të madh në transferimin e talentit gjerman te Bayern Munich. Ramadani është fotografuar në një nga restorantet e Mynihut teksa drekonte në praninë e Sane dhe disa personave të tjerë vetëm pak orë pasi 24-vjeçari firmosi kontratën 5-vjeçare me Bayernin ndërsa në arkat e Manchester City-t, kampionët e Gjermanisë derdhën shifrën e 50 milionë eurove. Operacion merkatoje ky që u kompletua falë punës së shkëlqyer të Fali Ramadanit.

Ilir Daja flet për ardhjen te Shkëndija, ja përgjigja e tij

Trajneri i Skënderbeut, Ilir Daja, e justifikoi lojën e dobët të skuadrës së tij në pjesën e dytë me mungesat që shumta, ndërsa iu përgjigj ftohtë edhe zërave që e çojnë në krye të Shkëndijës së Tetovës.

“Sot ishim me çerekun e ekipit. Luajtëm të enjten 90 minuta raskapitëse dhe nuk kishim 6-7 lojtarë. Mungesë e rëndësishme ishte Bregu. Pjesa e dytë do kishte rënie, natyrshëm. Luajtën futbollistë të rinj, që kanë minutazh të plotë në këmbët e tyre. Nëse do të kishim alternativa të tjera, do kishim tjetër freski në pjesën e dytë. Nuk mund të përballonim dot një ekip që kishte gjithë javën për të përgatitur ndeshjen dhe ka një kontingjent shumë më të madh se ne.

Shkëndija e Tetovës: Nuk është e mirë, që një ditë para një ndeshjeje të rëndësishme të dalin lajme. Jam trajner i Skënderbeut dhe do të vazhdoj të mbetem deri në fund të sezonit. Se çfarë do të ndodhë do ta shikojmë. Shpresoj të vijë një përgjigje pozitive nga Gjykata Federale. Nuk është etike që duke qenë se jam trajner i Skënderbeut dhe të diskutojmë çfarë do të ndodhim pas një muaji. Nuk e dimë çfarë do ndodhë pas një jave jo më pas një muaji me këtë situatë virusi.

Skënderbeu ka vetëm emrin? Nuk besoj që i ka mbetur vetëm emri Skënderbeut. Ne vazhdojmë që të jemi forcë goxha e mirë në kampionat, me gjithë problemet që kemi.  Nuk është një ndeshje historia e Skënderbeut as historia e Ilir Dajës. Nuk më ve dot në vështirësi njeri.

Enis Bardhi shënon super gol në Spanjë – VIDEO

Levante ka fituar 4:2 ndaj Betisit, takim i cili u zhvillua në kuadër të La Ligës në xhiron e 32-të.

Ndeshjen për Levanten e ka zhbllokuar talenti Borja Mayoral në minutën e 21-të për 1:0.

Ndërsa në minutën e 36-të ka dyfishuar rezultatin me golin e realizuar nga futbollisti shqiptar i Maqedonisë së Veriut, Enis Bardhi.

24-vjeçari është futur në zonë dhe ka gjetur golin me një goditje të bukur me të majtën.

Shkëndija në Europa League do të ketë përballë një skuadër më të dobët

Nga 4 skuadrat pjesëmarrëse në garat evropiane, vetëm skuadra e Shkëndijës do të jetë bartëse dhe do të përballet me një skuadër me koeficient më të dobët, në kuadër të Ligës Evropa.

Ndërkohë skuadra e Sileksit, do të fillojë rrugëtimin në eliminatoret e Ligës së Kampionëve, pas mungesës disa vjeçare, por do të jetë në vazoën e skuadrave jo bartës. Dhe në rast të eliminimit nga Liga e Kampionëve, do të vazhdojë aventurën në Ligën Evropa.

Ndërkohë Renova dhe FC Shkupi, do të jenë në vazon e skuadrave jo bartëse dhe do të sfidojnë skuadrat me koeficient më të forta. Për skuadrën nga Çairi, kjo është pjesëmarrja e tretë radhazi. Vitin e kaluar u ndalën nga Pjuniku, ndërsa një vit më parë nga Gllazgou Renxhersi.

Gjoka pranë largimit nga Shkëndija, Daja trajneri i ri?

Trajneri i Skenderbeut të Korcës është deshire e klubit kuq e zi, bisedimet janë hapur dhe janë të avancuara.

Ilir Daja në Tetovë dëshiron të vije me Artim Pollozhanin si ndihmës dhe kryesia e klubit në këtë ekip trajnerësh dëshiron që të jetë edhe Jeton Beqiri.

Ardhja e Ilir Dajës të Shkëndija është punë e kryer pritet zyrtarizimi.

Ilir Daja është padyshim një nga trajnerët më të mirë në Shqipëri, për të mos thënë më i mirë. Pikërisht këtë gjë e tregojnë edhe rezultatet e arritura nga tekniku i Skënderbeut ndër vite. Trajneri bëri arritje të mëdha me Skënderbeun para 3 viteve, ku u kualifikua me korçarët në fazën e grupeve të Europa Ligës.

KONTRATË PROFESIONALE PËR TALENTIN DASHMIR ELEZI

Kuqezinjtë shpërblejnë me kontratë profesionale një prej talentëve më të mëdhenj të dalë nga shkolla e futbollit.

Duke ndërtuar ekipin për sezonin e ardhshëm dhe paralel me vazhdimin e kontratave me futbollistët standard, drejtuesit e klubit mendojnë edhe për talentët e shkollës së futbollit. Në këtë drejtim KF Shkëndija ka firmosur kontratë profesionale me 16-të vjeçarin, Dashmir Elezi.

Bëhet fjalë për një prej talentëve më premtues që ka prodhuar shkolla e futbollit kuqezi, sulmues qendre që gjendet mirë edhe në krahë dhe si gjysmësulmues dhe anëtar i rregullt i përfaqësueseve të reja të Maqedonisë së Veriut. Elezi ka firmosur kontratë për 3 vite e gjysmë, duke u lidhur me kuqezinjtë deri verën e vitit 2024.

“Çdo fëmijë në Tetovë ëndëron një ditë të luajë për ekipin e parë të Shkëndijës dhe jam shumë i lumtur që më jepet rasti të realizoj këtë qëllim. Kjo kontratë më motivon të jap gjithçka nga vetja për të arsyetuar besimin e kryesisë. Tani më pret shumë punë për të fituar hapsira në formacion dhe për të treguar se meritoj të jem pjesë e ekipit të parë të Shkëndijës”, tha Dashmir Elezi në prononcimin e tij të parë si futbollist profesionist.