Augsburgu ka marrë një fitore me peshë në transfertë përballë një rivali direkt në luftën për mbijetesë në Bundesligë.
Në ndeshjen hapëse të javës së 25-të të kampionatit gjerman, djemtë e teknikut Markus Weinzierl kanë arritur të fitojnë minimalisht 1-0 në shtëpinë e Arminia Bielefeld.
Pas një pjese të parë të luftuar ka menduar Caligiuri që të zhbllokojë sfidën në minutat e para të pjesës së dytë. Vendasit janë munduar që të reagojnë, por nuk kanë arritur të evitojnë humbjen, pasi nuk kanë mundur të shënojnë dot në portën e Augsburg.
Miqtë parakalojnë Arminian në renditje dhe shkojnë në kuotën e 26 pikëve duke rritur shanset për mbijetesë mes më të mirave të Gjermanisë. / Oversport.tv
Foto: FC Augsburg
Gjermani – Bundesliga / Java e 25-të
Arminia Bielefeld- Augsburg 0-1
Caligiuri 50’