Bylisi ka lënë pas krahëve barazimin me Lushnjën dhe është rikthyer tek fitorja në kampionat, pasi ka mposhtur 2-1 në stadiumin “Adush Muça” skuadrën e Vorës.
Mallakastriotët kanë kaluar në avantazh të dyfishtë që në pjesën e parë, falë golave të Eminit dhe Qardakut, ndërsa miqtë kanë shënuar në pjesën e dytë me Vatën. Falë këtij suksesi, Bylisi rikthehet në krye të renditjes, duke pritur i qetë rezultatin e sfidës Korabi-Erzeni, që luhet nesër.
Besëlidhja mposht 2-1 Apoloninë dhe i afrohet zonës së Play Off-it. Lezhjanët shënojnë nga një gol për çdo pjesë dhe marrin tre pikë të arta përballë një rivali direkt.
Nuk ka fitues në Pogradec, pasi vendasit barazojnë 1-1 përballë Burreli. Një ndeshje e luftuar, por të dyja skuadrat janë detyruar të ndajnë nga një pikë.
Ndahen në paqe edhe Tomori e Tërbuni, pasi nuk arrijnë të gjejnë rrugën e rrjetës. Beratasit kanë mundësinë për të zhbllokuar sfidën në pjesën e dytë, por tregohen të pasaktë nga pika e bardhë e penalltisë.
Nuk ka gola edhe në Cërrik, aty ku Turbina dhe Lushnja barazojnë 0-0. Vendasit arrijnë të çojnë topin në rrjetë në minutat shtesë, por goli anulohet për pozicion jashtë loje. / Oversport.tv
Kategoria e Parë – Java e 23-të
Besëlidhja-Apolonia 2-1
Re.Danaj 40′ , Përgjoni 75′ / Umejiego Antoni 80’
Bylis-Vora 2-1
Emini 31′, Qardaku 45′ / Vata 61′
Pogradeci-Burreli 1-1
Liçkollari 36′ (pen) / Olivera 46′
Tomori-Tërbuni 0-0
Turbina-Lushnja 0-0