Ish-presidenti Bujar Nishani thotë se kandidatët e vetëm të PD për zgjedhjet lokale të pjesshme më 6 Mars do të jenë vetëm ata që do të dalin nga primaret.
“Ne e kemi deklaruar si vendim që nuk ka kthim pas, nuk ka tjetërsim. Do të përfaqësohemi me kandidatët që dalin nga procesi i primareve. PD e drejtuar nga Komisioni i Rithemelimit prej kohësh po angazhohet për të menaxhuar një frymë të gjerë opozitare që është në vend”.
Nishani teksa nuk përjashton mundësinë e rikthimit të protestave pas 6 Marsit.
“Ka një aleancë prej kohësh të madhe midis zotit Rama dhe zotit Basha, pra janë një, pavarësisht se mund të dalim me një, dy apo tre kandidatë është çështje e tyre. Jam besimplotë që zhvillimet politike pas zgjedhjeve të 6 Marsit do të jenë shumë interesante të cilat nuk kanë alternativë tjetër përveçse të reflektojnë vullnetin e qytetarëve shqiptarë. Dhe protestat, në këtë situatë dhe ambient të madh krize shumëdimesionale janë normale që do të vijnë dhe do të shfaqen”, tha Nishani për Klan News.
