BRUKSEL, 10 tetor /ATSH-DPA/-Sekretari i përgjithshëm i NATO-s, Jens Stoltenberg rikonfirmoi sot në Twitter mbështetjen e aleancës për Ukrainën pas një bisede me ministrin e Jashtëm ukrainas, Dmytro Kuleba.
“NATO do të vazhdojë të mbështesë popullin e guximshëm ukrainas për të luftuar kundër agresionit të Kremlinit për aq kohë sa të duhet”, shkroi Stoltenberg.
Stoltenberg dënoi sulmet e tmerrshme të Rusisë ndaj infrastrukturës civile në Ukrainë.
Ministrat e Mbrojtjes të NATO-s kanë planifikuar të mblidhen të mërkurën për një takim dyditor në Bruksel, ku mbështetja për Ukrainën do të jetë fokusi i axhendës./a.i/