TIRANË, 16 korrik/ATSH/- Votimi i sotëm në parlamentin maqedonas i hap rrugën mbajtjes së Konferencës Ndërqeveritare me Maqedoninë e Veriut javën e ardhshme, shkroi sot në Twitter presidenti i Këshillit Evropian, Charles Michel.
“Një hap vendimtar për Maqedoninë e Veriut dhe BE-në. E ardhmja jonë është bashkë dhe ju mirëpresim krahëhapur”, shtoi Michel.
Kuvendi i Maqedonisë së Veriut miratoi sot propozimin francez për zgjidhjen e mosmarrëveshjes me Bullgarinë, që do t’i hapë rrugën procesit të integrimit evropian.
Propozimi u miratua sot me 68 vota pro, asnjë kundër dhe asnjë abstenim. Deputetët e opozitës nuk morën pjesë në procesin e votimit.
Deputetët votuan për shtatë konkluzionet e hartuara nga grupi parlamentar i Lidhjes Socialdemokrate (LSDM), të cilat garantojnë njohjen e gjuhës dhe identitetit maqedonas.//a.i/
