BRUKSEL, 27 tetor /ATSH-DPA/ – Rregulloret e personelit në agjencitë e BE-së duhet të forcohen për të ulur rrezikun e konfliktit të interesit, paralajmëroi sot mbikëqyrësi i buxhetit të Bashkimit Evropian.
“Agjencitë dhe ligjvënësit e BE-së duhet të trajtojnë rregulla më të rrepta, kur stafi i lartë i bashkohet sektorit privat për punë”, tha në një deklaratë Rimantas Sadzius, auditori kryesor.
Gjykata Evropiane e Auditorëve (ECA) tha se raportet e mëparshme kanë theksuar vazhdimisht rrezikun e e konfliktit të interesit, të paraqitur për integritetin e organeve mbikëqyrëse për bankat, tregjet financiare dhe kompanitë e sigurimeve.
“Termi “dyer rrotulluese” (revolving doors) zbatohet për personat që largohen nga shërbimi civil i BE-së për të marrë pozicione në sektorin privat që lidhen me aktivitetet e tyre të mëparshme”, sipas ECA.
“Mbështetja e agjencive të BE-së në personelin e përkohshëm ka çuar në norma të larta të të ardhurave, ndërkohë që bordet drejtuese shpesh, me emërime afatshkurtra e ndërlikojnë çështjen”, thuhet në raportin e ECA.
“Disa agjenci të BE-së shkojnë përtej kërkesave minimale ligjore për të monitoruar pajtueshmërinë dhe mbështeten tek stafi aktual dhe i mëparshëm për të vetëraportuar”, shtoi ECA.
“Dhjetëra agjenci të BE-së janë përgjegjëse për zbatimin e politikave të BE-së në terren, duke punësuar rreth 15 000 punonjës dhe kanë një buxhet prej 4,1 miliardë euro (4,1 miliardë dollarë)”, tha ECA.//a.i/
