LONDER, 14 tetor /ATSH-DPA/ – Ish-ministri i Jashtëm dhe pretendenti i udhëheqjes konservatore, Jeremy Hunt, është emëruar si kancelar i ri i Thesarit, sipas Downing Street pasi Kwasi Kwarteng u shkarkua në mënyrë dramatike nga ky post.
Zgjedhja e Hunt, një mbështetës kryesor i rivalit të tij Rishi Sunak në garën për udhëheqjen e konservatorëve, do të shihet si një përpjekje për të rivendosur stabilitetin pas javësh trazirash në vazhdën e mini-buxhetit të Kwarteng.
Më parë, Kwarteng u thirr përpara takimit vjetor të Fondit Monetar Ndërkombëtar në Uashington për t’u informuar mbi fatin e tij në një takim të shkurtër me kryeministrin në numrin 10.
Ndërkohë, Chris Philp është emëruar shef ekzekutiv i pagesave, duke shkëmbyer punë me Edward Argar i cili bëhet kryesekretar i Thesarit, tha Downing Street. /os/
