LONDËR, 20 mars /ATSH-DPA/- Kancelari i Thesarit të Britanisë së Madhe, Rishi Sunak u përpoq të mbronte Boris Johnson, pasi kryeministri u akuzua për deklarata “tërësisht të papëlqyeshme” lidhur me ngjashmërinë mes konfliktit të Ukrainës dhe votimit të Brexit.
Sunak tha se ai nuk mendonte se Johnson kishte sugjeruar se vendimi i Britanisë së Madhe për t’u larguar nga Bashkimi Evropian dhe lufta kundër pushtimit rus në Ukrainë ishin “analoge”, pas komenteve që kryeministri Johnson bëri në konferencën e Partisë Konservatore të shtunën.
Johnson tha se ishte “instinkti i njerëzve të këtij vendi, si populli i Ukrainës, për të zgjedhur lirinë”, njesoj si votimi i Brexit, një “shembull i famshëm i kohëve të fundit”.
Deklarata e tij është kritikuar gjithashtu nga konservatorët, ndërsa laburistët i kanë bërë thirrje Johnson që t’u kërkojë falje ukrainasve dhe britanikëve.
Por kancelari Sunak ka hedhur poshtë pretendimet e tyre duke thënë se kryeministri Johnson nuk ka paraqitur asnjë lidhje të drejtpërdrejtë midis dy ngjarjeve. //a.i/
