BERLIN, 27 janar /ATSH-DPA/ – Viktimat e nacionalsocializmit do të përkujtohen sot në të gjithë Gjermaninë.
Ndër të tjera, e mbijetuara e Holokaustit, Rozette Kats do të flasë në një orë përkujtimore në parlamentin gjerman.
Presidentja e Bundestagut, Barbel Bas do të hapë veprimtarinë speciale, ku do të marrë pjesë edhe presidenti gjerman Frank-Walter Steinmeier.
Përkujtimi i këtij viti fokusohet tek njerëzit e persekutuar nga nazistët për shkak të orientimit apo identitetit të tyre seksual.
Më 27 janar 1945, ushtarët e Ushtrisë së Kuqe çliruan të mbijetuarit e kampit të përqendrimit dhe shfarosjes në Aushvic në Poloninë e pushtuar.
Nazistët kishin vrarë më shumë se një milion njerëz atje, shumica prej të cilëve hebrenj.
Kjo datë është shënuar si Dita e Përkujtimit të Holokaustit në Gjermani që nga viti 1996, me kurora të vendosura në përkujtim në shumë vende në të gjithë vendin.
Kats do të mbajë një fjalim përkujtimor në Bundestag, i ndjekur nga Klaus Schirdewahn, i cili do t’u drejtohet ligjvënësve si përfaqësues i komunitetit LGBTQ. /os/
