Analisti Fatos Lubonja ka komentuar zhvillimet e fundit dhe situatën në kampin blu. Lubonja tha se ajo që po quhet “luftë” brenda PD-së do të vazhdojë për shumë kohë. Sipas tij pavarësisht rrjedhës që do të marrë situata përçarja brenda PD-së do të mbetet. Lidhur me ish-kryeministrin Berisha ai tha se ka kaluar në ekstrem.
“Unë dyshoj se kjo është një pikë kulminante, por ajo që quhet luftë brenda PD-së do ttë jetë një lëngatë e gjatë për të. Siç parashikohet ka dy opsione: Të respektohet shifra për mbledhjen e Kuvendit dhe të bëhet një zgjedhje dhe që Basha mundet ta quajë nul këtë përpjekje të Berishës dhe të vazhdojë në rrugën e tij me shpresën se kjo vala e Berishës të vijë duke u eleminuar. Në të gjitha rastet përçarja do të mbetet, partia do të mbetet më e dobët dhe kjo do të jetë në favor të Ramës ii cili është regjizori i kësaj që po ndodh. Lulzim Basha duhej ta kundërshtonte kërkesën e amerikënëve, por edhe Berisha ka shkuar në ekstreme duke mos e përfshirë kundërshtarin në këtë idenë e tij. Të gjithë skenarët nuk janë pozitivë për një opozitë të shëndoshë.”
Sipas Lubonjës nëse shkohet në zgjedhje në 6 bashki, PD do t’i humbasë ato dhe nëse ndodh kjo duhet të marrë një mësim. Sipas tij janë shqiptarët ata që duhet të bënë luftën e tyre për demokraci e për zhvillim ekonomik.
“Detyrë kryesore e opozitës është të vigjilojë bëmat e qeverisë ndaj gjithçkaje të mbrapshtë që po bëhet dhe kemi të bëjmë një opozitë që po bën opozitë me veten por që nuk po bën opozitën për të cilën ka nevojë vendi. Zgjedhjet do të jetë më e dobët per t’i fituar, por do të jetë edhe një mësim që do të marrë pasi në këto kushte do t’i humbasë të 6 bashkitë. Unë gjykoj se Berisha megjithëse ka motivet e veta personale në këtë luftë pasi po të mos ishin ato ai do të kishte heshtur, po i bën një lloj shërbimi opozitarizmit në Shqipëri. Nga ana tjetër shikoj një Lulzim Bashë të dorëzuar ndaj burokracisë së ambasadorëve. Ka një mungesë koherencë në veprimet e opozitës Këtu ka 2 prioritete: I ndërkombëtarëve, amerikanëve dhe i shqiptarëve që ndeshën me njëri-tjetërin. nëse për ta është interesi gjeostrategjik, prioritetet e shqiptarëve janë një demokraci, zhvillim ekonomik. Këtu vjen ajo shprehja: I zoti e nxjerr gomarin nga balta. Ne duhet të bëjmë luftën tonë, na ndihmon apo s’na ndihmon Europa”– tha ai.
