Tahir Batatina ka zbuluar se dëshira e tij për të ardhmen është që të udhëheq me Tiranën.
Në një intervistë për televizionin shqiptar, “Ora News”, trajneri i Llapit u pyet nëse ka oferta nga ndonjë klub nga Shqipëria.
Trajneri nga Podujeva nuk përmendi ndonjë ofertë, por tha se do të donte të punonte edhe atje.
“Në një të ardhme shumë të shkurtër pse jo të jem në një skuadër shqiptare, të marrë trofe edhe me skuadrat shqiptare në Shqipëri sepse ne jemi vëllezër, jemi një, Shqipëri-Kosovë unë fare nuk i ndaj”, tha fillimisht 46-vjeçari.
Tutje, Batatina tregoi se nga klubet e Shqipërisë e do Tiranën.
“Te Shqipëria e dua Tiranën, më pëlqejnë edhe ngjyrat bardh e kaltër. Shpresoj në një të ardhme të jem trajner i Tiranës dhe ta bëjë maksimumin aty. Tirana është një klub i madh, me renome. Edhe Partizani dhe Vllaznia janë me renome. Pse jo, një ditë të jem trajner i Tiranës dhe t’i sjell trofe”, deklaroi Batatina.
