“Shpresoj që Milan Skriniar mos të largohet”. Kjo ka qenë dëshira që Alessandro Bastoni shprehu gjatë intervistës së tij dhënë për “La Gazzetta dello Sport”. Mbrojtësi i Interit foli gjithashtu për të ardhmen e tij si dhe luftën për titullin kampion sezonin e ardhshëm.
“Nuk kam pasur asnjëherë dyshimin më të vogël për t’u larguar nga Interi. Këtu kam gjithçka që më nevojitet për t’u ndjerë mirë dhe për të treguar veten time. Jam i lumtur që jam këtu, e shoh veten ende për shumë vite me këtë fanellë dhe shpresoj të fitoj ende me Interin.”
Ai foli gjithashtu edhe për luftën për titull që pritet të jetë shumë e ndezur në sezonin e ardhshëm të Serie A. “Juventusi është forcuar shumë dhe e shoh si kundërshtarin më të rrezikshëm. Ka afruar shumë lojtarë të fortë si Di Maria, Pogba dhe Bremer. Megjithatë ne e dimë forcën tonë. Dy vjet më parë arritëm të fitonim titullin kampion dhe mund ta bëjmë sërish këtë gjë”. /oversport.tv
