Kreu i grupit parlamentar të PS-së, Taulant Balla ka deklaruar se ditën e mërkur Partia Socialiste do të nis diskutimet me grupet e tjera parlamentare për zgjedhjen e Presidentit të ri.
“Nesër do të jetë hapi i parë i konsultimit me grupin parlamentar të PS-së, i cili do të udhëheqë këtë proces për herë të parë në mënyrë ekskluzive. Pasnesër pasdite në orën 17:00 do të ftoj kryetarët e grupeve parlamentare që sipas mundësisë që kanë të ulemi në një nga sallat e Kuvendit për një takim të parë. Nuk kanë ndodhur takime të tjera, ai do të jetë takimi i parë. Me ata do të ndajmë mënyrën se si do të ecim në këtë proces. Për pjesën tjetër mendoj se Kushtetuta e Shqipërisë e ka shprehur qartë dhe nuk ka nevojë për referendum. Kjo është hera e parë që në Shqipëri i kërkohen propozime konkrete qytetarëve”, tha Balla.
Balla ka theksuar se do të ketë konsultime me grupin me parlamentar të PD-së, duke përjashuar kështu grupin e ish kryeministrit Berisha.
“Konsultimet gjithmonë janë zhvilluar brenda Kuvendit të Shqipërisë. Nuk di që në Kuvend të ketë një grup parlamentar me emrin Komisioni i Rithemelimit. Nëse do kishte një grup të tillë, do të ishte një grup i pestë, por nuk e njoh”, u shpreh më tej Balla.
