INDONEZI, 14 nëntor /ATSH-DPA/- Gjatë takimit të tij me udhëheqësin e Kinës, Xi Jinping në ishullin indonezian të Balit, presidenti i SHBA-së, Joe Biden theksoi nevojën pë bashkëpunim mes dy vendeve për çështjet kryesore botërore si, ndryshimi i klimës, stabiliteti ekonomik, lehtësimi i borxhit, shëndeti dhe siguria ushqimore, sipas Shtëpisë së Bardhë.
Kjo nënkuptonte sinjale të vogla të një qasjeje në bisedimet e ndërprera për klimën midis dy emetuesve kryesorë të gazrave serrë.
Të dy presidentët udhëzuan zyrtarët e tyre të lartë që të ruanin komunikimin dhe të thellonin përpjekjet konstruktive lidhur me këto çështje”, sipas deklaratës.
Megjithatë, rifillimi zyrtar i dialogut për klimën mes dy vendeve, të cilin Kina e kishte ndërprerë në gusht mes tensioneve me SHBA-në për çështjen e Tajvanit, nuk u njoftua.
Megjithatë, i dërguari i SHBA-së për Klimën, John Kerry dhe negociatori i lartë kinez për Klimën, Xie Zhenhua zhvilluan një takim dhe shkëmbyen mendime në konferencën e OKB-së për Klimën COP27, në Egjipt.//a.i/
