Pierre-Emerick Aubameyang është deklaruar për herë të parë si lojtar i Barcelonës.
Sulmuesi gabonez deklaroi për Barça TV se ai është shumë i lumtur që iu bashkua klubit dhe beson se mund të mësojë diçka nga Xavi.
“Jam shumë krenar, veçanërisht se familja ime është spanjolle po ashtu nga ana e nënës sime, andaj jam shumë krenar që jam këtu”, ka thënë fillimisht Aubameyang.
“Qëllimi im është që t’i ndihmoj skuadrës dhe të jap gjithçka çfarë mundem për të rikthyer klubin në Ligën e Kampionëve”.
“Është e mrekullueshme që të kem Xavin si trajner, sepse ka qenë një lojtar fantastik, e dinë të gjithë dhe si trajner ai do të na sjell diçka nga çfarë mund të mësojmë”.
“Jam shumë i lumtur dhe të gjithë më kanë mirëpritur, ndjehem shumë mirë”.
