Një miqësore luksi është zhvilluar në Dubai mes Milanit të Piolit, skuadrës kampione të Italisë dhe Arsenalit të Artetës, skuadrës që kryeson Premier league angleze.
“Topçinjtë” kanë fituar 2-1 përballë kuqezinjve falë golave të shënuar nga Odegaard dhe Nelson në pjesën e parë, ndërsa Tomori ka shënuar golin e vetëm të Milanit në pjesën e dytë.
Pavarësisht se anglezët kanë fituar sfidën, janë gjuajtur edhe penalltitë, pasi pikët e marra në ruletën e 11-metërshave mund të ndikojë në renditjen e Milanit në turneun e Dubait, ku marrin pjesë edhe Liverpool dhe Lyon.
Arsenali fiton edhe sfidën e penalltive, merr një pikë më shumë dhe fiton Superkupën e Dubait. / Oversport.tv
Foto: AC Milan Twitter
