Akordi është arritur: Granit Xhaka do të transferohet te Bayer Leverkusen.
Kapiteni i kombëtares së Zvicrës, i dha fund aventurës 7-vjeçare me Arsenalin.
Duke u rikthyer në Bundesliga, kampionat ku më parë ka luajtur me M’Gladbach. “Aspirinat” kanë gjetur gjuhën e përbashkët me Arsenalin për shumën 25 milionë euro.
Ndërkohë që mesfushori me origjinë shqiptare, do të firmosë një kontratë 5-vjeçare me Bayer Leverkusen.
Një përforcim i rëndësishëm për skuadrën gjermane, që “blindon” mesin e fushës me një lojtar plot kualitet dhe me eksperiencë të madhe mbi supe.
Xhaka ka dalë nga akademia e Baselit. Më pas erdhën eksperiencat te M’Gladbach dhe Arsenal. Ndërkohë që deri në vitin 2028 do të mbajë veshur fanellën e Bayer Leverkusenit.
Tani pritet vetëm zyrtarizimi i transferimit dhe prezantimi i Granit Xhakës përpara tifozëve të rinj.
Gjatë aventurës me Arsenalin, 30-vjeçari regjistroi 297 ndeshje, shënoi 23 gola dhe dhuroi 29 asiste. Në Londër ai fitoi katër trofe: dy herë FA Cup dhe po kaq herë Superkupën e Anglisë./ Shqip
Top Channel
