JEREVAN, 22 dhjetor /ATSH-DPA/ – Kryeministri armen Nikol Pashinyan akuzoi Rusinë për dështimin në kryerjen e misionit të saj paqeruajtës në rajonin e diskutueshëm Nagorno-Karabakh të Azerbajxhanit fqinj.
“Misioni paqeruajtës rus nuk po përmbush detyrat e tij në kontrollin e Korridorit të Laçinit”, tha Pashinyan në kryeqytetin armen, Jerevan.
Kremlini hodhi poshtë akuzat se trupat nuk po përmbushnin misionin e tyre.
Trupat ruse janë dislokuar për të ruajtur një armëpushim të brishtë midis Armenisë dhe Azerbajxhanit dhe për të siguruar akses në malin Nagorno-Karabakh përmes korridorit.
Të hënën, Pashinyan shkroi në Twitter se shërbimet mjekësore mund të shemben në Nagorno-Karabakh, i cili ishte rrethuar nga forcat Azerbajxhane.
”E vetmja lidhje rrugore me këtë zonë është bllokuar për tetë ditë”, theksoi ai. /os/