Armët bërthamore ruse të vendosura në Bjellorusi do të pozicionohen pranë kufirit perëndimor të vendit.
Ky vendim u bë i ditur nga ambasadori rus në Bjellorusi, Borys Gryzlov, i cili shtoi se masa do të rriste mundësitë për të garantuar sigurinë e vendit.
Sky News shkruan se ai përshëndeti Rusinë dhe Bjellorusinë si një “hapësirë të vetme”, duke shtuar se vendet që presin armë bërthamore të SHBA-së janë thjesht kukulla.
Ambasadori vuri në dukje se deri më 1 korrik do të përgatitet një depo për vendosjen e armëve taktike bërthamore.
Muajin e kaluar, Vladimir Putin tha se Rusia do të vendosë armë bërthamore taktike në Bjellorusi. Këto armë do të mbeten nën kontrollin rus.
Forcat bjelloruse nuk janë zyrtarisht të përfshira në luftën me Ukrainën, por Minsk i ka lejuar forcat ruse të nisin sulmet nga territori i tij.
Top Channel
