Raportimet nga “El Nacional” nuk kanë për t’i pëlqyer aspak trajnerit Tomas Tuhel. Konkretisht, burimi në fjalë bën të ditur se bordi i kampionëve të Gjermanisë, Bajern Mynih, ka filluar të bisedojë me Ksabi Alonson, me shpresën se ky i fundit do pranojë të marrë “frerët” e bavarezëve në fillim të ciklit 2024- 2025.
Aktualisht tekniku i Leverkusenit ka kontratë me klubin deri në verën e vitit 2026, megjithatë mediat gjermane kanë zbardhur skenarin ku Alonso ka një klauzolë largimi me “aspirinat” në përfundim të sezonit në adresim të ish-klubeve pararendëse si Liverpuli, Reali i Madridit dhe Bajerni i Mynihut.
Mediumet pranë kampionëve bavarezë para pak kohësh shpalosën planin se si 50-vjeçari largohet, mungesa e titullit në Bundesligë dhe mosarritja në gjysmëfinalen e Ligës së Kampionëve.
PANORAMASPORT.AL
