Një aksident ka ndodhur mbrëmjen e sotme në afërsi të fshatit Batincë.
Si pasojë, sipas informacioneve, një person ka humbur jetën. Nga MPB thonë se bëhet fjalë për një 49 vjeçar nga Batinca.
“Rreth orës 20:00 është denoncuar se në fshatin Batincë, ka ndodhur një aksident ku janë përfshirë makina Shkoda Oktavija e drejtuar nga N.R (1972) nga fshati Batincë dhe makina BMW.Në aksidentin N.R ka humbur jetën ndërsa shoferi i BMW-së është dërguar në Qendrën Klinike”, kanë njoftuar nga policia.
Ata thonë se ekipe policore kanë dalë në vendin e ngjarjes për të kryer ekspertizë.
