Pas heqjes së përkohshme të ndalimit të tij të hyrjes në Australi, Novak Gjokovqi po shpreson të marrë pjesë në Australian Open në Melburn. Mosmarrëveshja ligjore për vizën e tij tregon gjithashtu afërsinë e tij me nacionalistët serbë dhe me ezoterizmin
Që në fillim, Novak Gjokoviqi ishte skeptik në lidhje me vaksinimin kundër koronavirusit. Për një kohë të gjatë ai nuk e bëri publik statusin e tij të vaksinimit, duke thënë vetëm se ishte “personalisht kundër vaksinimeve”. Në seancën gjyqësore për vizën e tij, ai u pyet konkretisht nëse ishte i vaksinuar kundër Covid-19. “Nuk jam i vaksinuar”, iu përgjigj Gjokoviqi dy kërkesave, sipas rrjedhës së bisedës të publikuar nga autoritetet. Kjo ishte hera e parë që ai e bëri të qartë.
Gjokoviqi i pavaksinuar arriti sukses të pjesshëm në gjykatë duke iu dhënë liria e lëvizjes në Australi. “Përmes procesit, ai mund të bëhet një figurë për skeptikët e vaksinave dhe mohuesit e koronavirusit”, thotë Srgjan Govedarica, korrespondent në studion e ARD në Vjenë.
“Gjokoviqi njihet edhe për prirjet e tij ezoterike”, thotë Govedarica. Gjokoviqi, për shembull, është një vizitor i rregullt i maleve në Bosnje, të cilat ezoteristët i quajnë “piramidat boshnjake”, për të ngarkuar veten me “energji pozitive”. Gjokoviqi ndonjëherë bënte supozime të tjera të çuditshme.
Për shembull, ai pohoi se “shkencëtarët kanë demonstruar në një eksperiment që molekulat në ujë reagojnë ndaj emocioneve tona dhe ndaj asaj që thuhet”. Disa njerëz kanë qenë gjithashtu në gjendje të “transformojnë ujin më të ndotur në ujë të shëndetshëm përmes fuqisë së lutjes dhe mirënjohjes”.
Gjokoviqi gjithashtu nuk e mori shumë seriozisht virusin në fillim të pandemisë. Ai organizoi “Adria Tour”, një seri turne me lëvizje udhëtimesh ndërkombëtare dhe tifozë të pranishëm. Ndërsa turneu në Wimbledon u anulua dhe futbolli sapo kishte arritur të rifillonte lojën para gradave boshe me koncepte të detajuara higjienike, turneu i Gjokoviqit duhet të jetë si para pandemisë, gjithashtu me tifozë të shumtë. Pas disa ndeshjeve dhe disa infeksioneve mes lojtarëve, përfshirë Gjokoviqin, turneu u anulua.
Gjokoviqi është një hero popullor në Serbi, ai është takuar disa herë me forcat nacionaliste. “Gjokoviqi ka thënë gjithashtu ‘Kosova është Serbi’, por ai nuk tërhoqi vëmendjen si një propagandist aktiv”, thotë Govedarica. Megjithatë, Gjokoviqi nuk siguroi kurrë një distancë mes tij dhe figurave të dyshimta – përkundrazi. Ai pozoi me komandantin e njësisë “Ujqërit e Drinës” të përfshirë në gjenocidin e Srebrenicës në vitin 1995, shkruan “Sportschau”, transmeton portali Shtegu. Rreth 8 000 persona u vranë në atë kohë për shkak të besimit të tyre mysliman.
Një foto tjetër e tregon atë me një shishe pije alkoolike që mban portretin e Drazha Mihailoviqit. Mihailoviqi ishte udhëheqës i çetnikëve bashkëpunëtorë të nazistëve serbë gjatë Luftës së Dytë Botërore dhe pas luftës u dënua me vdekje.
Në një dasmë ai u shfaq me udhëheqësin nacionalist serb të Bosnjës, Milorad Dodik. Ky njeri është politikani kryesor në pjesën serbe të Bosnjës, Republika Srpska – ai mbron shkëputjen nga Bosnja dhe Hercegovina.
Nota nacionaliste del në mënyrë të pashmangshme në mosmarrëveshjen për vizën e Gjokoviqit. Fakti që edhe presidenti serb Aleksandar Vuçiq dëshiron ta kthejë çështjen në një çështje shtetërore, është ndoshta vetëm pjesërisht një rastësi – zgjedhjet do të zhvillohen së shpejti në Serbi. “Unë fola me të në telefon dhe i thashë se e gjithë Serbia ishte me të”, tha Vuçiq, duke i përshkruar veprimet e autoriteteve australiane si “ngacmim”.
Gjokoviqi mbrohet edhe në familje me odentitet kombëtar. Në një konferencë shtypi në Beograd, babai i tij Srgjan Gjokoviq tha se djali i tij “po mbahet në robëri. Novak është Serbi dhe Serbia është Novak. Nëse e shkelin Novakun, atëherë shkelin Serbinë dhe popullin serb”.
Gjokoviqi nuk është më në hotelin për ata që duhet të largohen nga vendi. Një gjykatë të hënën miratoi apelin e tij kundër refuzimit të hyrjes në Australi. Tifozë të shumtë festuan para ndërtesës së avokatëve të tij në Melburn, turma u shpërnda nga policia. Është ende e paqartë nëse ai mund të marrë pjesë ende në Australian Open.
Gjokoviqi thuhet se ka marrë vesh për infeksionin e tij të dytë me koronavirus më 16 dhjetor. Por koha ngre pikëpyetje, sepse ai më pas mori pjesë në disa takime pa maskë. Ministri australian i imigracionit mund të përdorë ende të drejtën e tij personale për t’i tërhequr sërish vizën serbit.
Në ndërkohë, media të huaja shkruajnë se Gjokoviqit i kanoset edhe burg deri në pesë vjet.
