Prej sot fillon greva e përgjithshme e punonjësve të sektorit publik. Si arsye për këtë, sindikatat dje thanë se nuk janë përmbushur kërkesat e tyre për rritje lineare të pagave të punëtorëve në sektorin publik për 2806 denarë dhe kthimin e së drejtës në regres për pushim vjetor nga viti 2023.
Nga LSM deklarojnë se në seancën e se hënës të Komisionit për Financa dhe Buxhet nuk u miratua amendamenti i LSM-së për rishikimin e Buxhetit, i cili duhej të siguronte mjete për rritje lineare të pagave.
