Luizi dhe Kiara janë pa diskutim një nga çiftet më të komentuar të momentit në median shqiptare, si edhe nga të gjithë ndjekësit e programit të Big Brother VIP Albania. Dyshja janë temë diskutimi e thuajse çdo tavoline, por edhe programi televiziv.
Kështu ka ndodhur edhe ditën e sotme, teksa në emisionin ‘Ftesë në 5’ është diskutuar rreth këtij çifti, si edhe me ngjarjet e fundit që kanë ndodhur mes tyre. Pak ditë më parë, Luizi i dha Kiarës varësen me kryq që mbante në qafë prej vitesh, teksa ditën e djeshme, ai vendosi t’ia marrë.
Ky veprim ka çuditur jo pak moderatoren, e cila kërkoi të dinte arsyen e këtij veprimi, por Luizi nuk i dha një arsye se pse, teksa i tha se çdo gjë e tija është edhe e saj. Ky veprim është komentuar në emisionin ‘Ftesë në 5’ nga mikesha e Kiarës, e cila dha edhe një arsye se çfarë mund ta ketë shtyrë Luizin të bëjë një veprim të tillë.
“Ndoshta është mërzitur se Kiara s’ e vendosi varësen natën e spektaklit, kur ai i bëri surprizën për Shën Valentin”, tha Liesa Haxhiasllani, mikesha e ngushtë e Kiarës, teksa edhe Mika Paci, Albi Lushi dhe Gaz Ujkashi hodhën ide se ndoshta Luizi kishte nevojë për këtë varëse me kryq meqë sot në mëngjes u pa duke qarë.
“Thuhet se mund të ketë të ëmën sëmurë ose thjesht e ka ngarkesë të akumuluar”, u shprehen ata në emisionin ‘Ftesë në 5’.