Gjatë një interviste televizive, Rudina Hajdari është shprehur se e vetmja gjë për të cilën duhet të mendojnë është bashkimi i partisë dhe jo kush do të bëhet kreu i saj.
Pjesë nga biseda:
A jeni e gatshme të kandidoni për kreun e PD-së?
Rudina Hajdari: Mendoj që është një pyetje që për momentin nuk ka vend. Duhet zgjerim i PD-së. Opozita është e përçarë dhe ne duhet patjetër ta bashkojmë. Të punojmë dhe të bashkëpunojmë që të bëjmë një opozitë të shëndoshë.
Keni dhe kredon se thuhet je vajza e heroit të demokracisë. A jeni e gatshme për këtë sfidë?
Rudina Hajdari: Për mua ka rëndësi procesi i zgjerimit të partisë. Patjetër që një nga figurat mund të jem dhe unë. Nuk është e rëndësishme individi.
A ka një marrëveshje Rama-Basha?
Rudina Hajdari: Uroj të mos ketë një marrëveshje të tillë të fshehtë. Nuk po bëhet një opozitë që duhet të ishte më e fortë dhe jo kaq e përçarë. Ndryshimet kushtetuese për momentin e hapin rrugën për procesin e hapjes së listave 100%. PD nëse do vijë nesër në pushtet duhet të luftojë për ta pasur këtë mekanizëm.
A ndjeheni e përdorur që PS premtoi gjë tjetër dhe bëri gjë tjetër?
Rudina Hajdari: Këto janë marifete të politikës, dhe PS njihet si parti që përdor hile. Kjo është gjë për t’u gjykuar dhe nga publiku. Sot ne e shikojmë këtë në të gjitha partitë.
Aulon Kalaja: Kur të rikthehesh nga SHBA-të çfarë do bëni?
Unë këto iniciativa jam duke i ndërmarrë dhe në SHBA-të. Jam gjithë kohës duke menduar si të kontribuoj në shoqërinë shqiptare. Do mundohem që të vazhdoj kontributin tim.
Do jeni te nisma thurje apo te e djathta?
Rudina Hajdari: Jam duke parë hapin tjetër. Por ky është një proces që ndodh në bashkëpunim me të djathtën. Do mbështesja çdo lloj forumi politik që ka të rinj. E kuptoj faktin që jam e lidhur shumë me PD-në për shkak të së shkuarës time.
