KIEV, 25 mars /ATSH-DPA/- Dronët ajrorë rusë goditën sot në mëngjes rrjetin elektrik të Ukrainës në rajonet e Odesës dhe Mykolaiv në jug të vendit, njoftoi ushtria ukrainase.
Ndërprerjet e energjisë elektrike ndodhën në disa pjesë të Odesës dhe në brendësi të saj. Autoritetet e qytetit thanë se u detyruan të ndalonin shërbimet e tramvajit dhe autobusave elektrike. Nuk janë raportuar të vdekur.
“Një nënstacion në rajonin e Mykolaiv mori flakë pasi mori sulmit”, njoftoi kompania shtetërore e furnizimit me energji “Ukrenergo”.
Autoritetet ushtarake raportuan se mbeturinat e një droni goditën një ndërtesë banimi dykatëshe në rajon, duke e djegur atë dhe duke plagosur 11 persona.
Forcat ruse kanë shënjestruar gjithnjë e më shumë infrastrukturën energjetike të Ukrainës gjatë ditëve të fundit. Kharkivi në verilindje është goditur keq.
“Riparimi i rrjetit do të zgjaste rreth një javë”, tha kreu i “Ukrenergo” Volodymyr Kudrytskyi për televizionin kombëtar.
Rusia ka shënjestruar vazhdimisht infrastrukturën e energjisë ukrainase gjatë dimrit që kur pushtoi vendin në shkurt 2022. //a.i/