Borussia Dortmund, përmes këshilltarit Matthias Sammer, del dhe pranon publikisht interesimin e Manchester City për Erling Haaland.
“City është i interesuar, nuk është sekret. Pashë numrat dhe më erdhi një goditje me kamzhik, pothuajse më ra të fikët,”– i tha ai për ‘Amazon Prime Video’. “Gruaja ime më ndihmoi të ngrihesha. Është e mundur.” Sipas ‘Daily Mail’, City është gati t’i bëjë dush me ar bombarduesit norvegjez, me një pagë 30 milionë në vit.
Ish-fituesi i “Topi i Artë” pothuajse me siguri e shikon Haaland në Mançester. “Guardiola dhe Haaland do të përfitojnë nga njëri-tjetri, – shtoi ai. – Guardiola, me të cilin kam punuar për tre vjet në Bayern, ka një vizion të caktuar të lojës, por mendoj se ai mund ta përshtasë atë edhe me një sulmues të parë si Erling. Megjithatë, ai do të duhet ta mësojë atë nga lojtari. Ata duhet të përshtaten së bashku, do të jetë interesante.”
Gara për të rrëmbyer Haaland duket se është ngushtuar në dy skuadra, ku Real Madrid është i vetmi antagonist i Cityt, gati i çmendur pas fenomenit skandinav. Oferta në tavolinë 600.000 euro pagë javore, që do ta bënte norvegjezin lojtarin më të paguar në Premier League.
Klauzola e përfundimit është vendosur në 75 milionë euro, të cilave duhet t’i shtohen të paktën 25 milionë të tjera për komisionet e agjentit Mino Raiola ndaj babait të tij, i cili luante për Cityn dhe e shikon favorizues për transferimin e tij në Premier League.
