Ashtu si pritej, Nevil Dede ka marrë drejtimin e ekipit të Dinamos. Lajmin e ka bërë të ditur vetë klubi me anë të një njoftimi në rrjetet sociale. Në të thuhej se Dede do të marrë drejtimin e kryeqytetasve, ndërsa objektiv është rikthimi në Kategorinë Superiore.
“Nevil Dede është trajneri i ri i 18 herë kampionëve!
Futboll Club Dinamo njofton nënshkrimin e kontratës me trajnerin Nevil Dede.
Tekniku 47-vjeçar do të drejtojë projektin Dinamovit drejt rikthimit në elitën e futbollit.
Gjate ditës së sotme Presidenti i FC Dinamo, z.Adrian Bardhi dhe trajneri Dede, kanë nënshkruar kontratën që e bën teknikun pjesë të klubit blu për sezonin e ri.
Ish-mbrojtësi i kombëtares kuqezi vjen tek Dinamo mbas një sezoni të suksesshëm, ku drejtoi skuadrën e Erzenit drejt rikthimit historik në Kategorinë Superiore.” /oversport.tv
