Skuadra e Dritës ka njoftuar për shkëputjen e marrëveshjes me mesfushorin Erion Vucaj, përcjell Insporti.
Vuca ishte pjesë e ‘Intelektualëve’ që nga viti 2018, ku edhe fitoi titullin e kampionit në 2019/20.
Lajmin e ka bërë të ditur vet klubi me anë të një postimi në rrjetin social, Facebook:
“FALEMINDERIT ERJON VUCAJ
Klubi jonë, FC DRITA njofton se ka mbyllur bashkëpunimin me mesfushorin, Erjon Vucaj.
Vucaj, i cili u bashkua me klubin tonë në vitin 2018-të ka arritur të zhvillojë 103 ndeshje kampionale, 6 ndeshje të Kupës, 1 ndeshje të Superkupës dhe 7 ndeshje ndërkombëtare me DRITËN.
Futbollisti, Erjon Vucaj ishte një nga futbollistët e dalluar në vitet e fundit, pjesë e sukseseve tona, paraqitjeve të mira në garat evropiane dhe fitoi titullin kampion me ne në edicionin 2019/20.
Klubi jonë, FC DRITA e falënderon për kontributin dhe bashkëpunimin, duke i dëshiruar suksese në vazhdimësi në karrierë.
Paç fat VUCAJ
FC DRITA”
