Edon Zhegrova dhe Pajtim Kasami kanë asistuar në fitoren e Baselit, e cila është zhvilluar në këtë fundjavë.
Të dielën mbrëma Baseli ka marrë një fitore prej 2:0 ndaj Lugano-s, në kuadër të xhiros së 11-të në elitën e futbollit zviceran.
Zhegrova asistoi në golin e parë në minutën e 10-të të ndeshjes për Fabian Frein, ndërsa në minutën e 32-të, Kasami bashkëveproi me Arthurin.
Kasami ka humbur edhe një penallti në minutën e 55-të, ndërsa u zëvendësua në minutën e 74-të nga Taulant Xhaka. Zhegrova doli nga loja në po të njëjtën minutë. Te Lugano në bankën rezervë ishte portieri Amir Shaipi.
Pas 11-të xhirove Baseli është në vendin e parë me 25 pikë, derisa Lugano në pozitën e katërt me 14-të sosh.
