Do të bëj maksimumin për të gjetur një zgjidhje me Bullgarinë, nëse nuk gjendet tani, nuk besoj se do të gjendet në vitin 2022. Nga data 14 dhjetor deri më 15 janar është periudha kur mund të mbahet Këshilli i Çështjeve të Përgjithshme. Është një mundësi për të ecur përpara dhe më në fund, pas 16 vitesh e gjysmë, për të nisur negociatat. Është çështje javësh, tha Zoran Zaev, transmeton InfoShqip.
Ai beson se kjo është një periudhë e rëndësishme që kërkon përgjegjësi më të madhe dhe se duhet një shumicë dhe Qeveri stabile, e cila sigurohet me hyrjen e Alternativës.
“Personalisht, mendoj se duhet të jetë e qartë si për Bullgarinë ashtu edhe për Europën, se të paktën pasiguria pas meje është më e pranishme sepse ata e dinë se kush jam unë, çfarë politikash drejtoj dhe çfarë aspiroj dhe prandaj them se kjo është periudha më pozitive për të gjetur një zgjidhje. Për mua gjëja më e rëndësishme në vend është rruga euroatlantike dhe ajo që filloi me Bullgarinë.“Qëllimi kur mund të përfundojë është i përcaktuar qartë, do të ketë një periudhë kur Franca do të kryesojë dhe zgjedhjet do të jenë në pranverë, kështu që periudha për të gjetur një dritare për zgjidhjen e mosmarrëveshjes midis Maqedonisë së Veriut dhe Bullgarisë është e shkurtër”, tha Zaev duke iu përgjigjur pyetjeve të gazetarëve pas nënshkrimit të marrëveshjes së bashkëpunimit me liderin e Alternativës Afrim Gashi./InfoShqip.com
