Ish-ministri i drejtësisë, Ylli Manjani, me anë të një statusi në llogarinë e tij në Facebook, ka reaguar lidhur me zhvillimet politike në vendin tonë.
Manjani në reagimin e tij shprhet se, ky është një system zgjedhor hajtdut, e që nuk ja vlen që t’i votojmë. “Nëse do ishim në zgjedhje politike këto kohë, me këtë strukturë dhe përbërje partiake, si dhe me këtë sistem zgjedhor hajdut, unë nuk do lodhesha fare të shkoja të votoja. Kë të votoj? Bodyguardët e pushtetit apo të opozitës”, transmeton Lajme.al
Ndër të tjera, Manjani thekson se nuk kam pse dal dhe votoj nulin, kur as partia e vet nuk e voton, pse u dashka ta votoj unë?
Reagimi i Manjanit:
“Nëse do ishim në zgjedhje politike këto kohë, me këtë strukturë dhe përbërje partiake, si dhe me këtë sistem zgjedhor hajdut, unë nuk do lodhesha fare të shkoja të votoja.
Kë të votoj?
Bodyguardët e pushtetit apo të opozitës?!
Apo të dal të zgjedh cili bunker është më i fortë?!
Kë të zgjedh?! Amerikanllëkun e qeverisë apo amerikanllain e opozitës?!
Pasanikët e pushtetit apo parazitët e pasur të opozitës?! Jo po më thoni ju kë të zgjedh?!
Kë të votoj ata që sbëjnë zgjedhje fare apo Nulin që s’e voton as partia e vet!? E pse të dal ti votoj unë?!!
Pastaj, pse të votoj kur dihet rezultati?!
Vota ime nuk bën diferencën.
Apo ka një garë programesh këtu?! Hahahahahahahah. Programet, idetë, projektet janë ushqim për budallenjtë…
Shkurt muhabeti, në këto kushte nuk votohet.
Nuk e di në do ndryshojë gjë, por si hallvë e ftohtë duket”, shkruan Ylli Manjani.
