Vuçiq: Çdo gjë në Kosovë bëhet me aprovimin e vendeve të QUINT-it

by admin
Spread the love

Presidenti i Serbisë, Aleksandër Vuçiq, ka thënë se çdo gjë në Kosovë bëhet me miratimin e vendeve të QUINT-it.

Duke folur për aksionin e kësaj jave të Policisë së Kosovës për të luftuar krimin e organizuar dhe kontrabandën në disa pjesë të vendit, përfshirë këtu edhe veriun, Vuçiq ka thënë se Britania e Madhe e ka mbështetur aksionin, dhe se nuk do ta lejoj këtë shtet që ta bëjë budalla.

“Kam marrëdhënie të shkëlqyera me Britaninë e Madhe dhe gjithmonë do t’i dua, por nuk do t’i lejoj të më bëjnë budalla”, ka thënë presidenti serb në një intervistë për Prva TV.

Ai ka thënë se në këtë aspekt, Shtetet e Bashkuara të Amerikës janë më korrekte.

“Ata që dolën me deklarata se ky ishte një aksion i mrekullueshëm, turp ju qoftë! Kushdo që jeni”, ka thënë Vuçiq.

Ai e ka quajtur tregim aksionin e Njësisë Speciale në veri për të luftuar kontrabandën, duke thënë se kjo fyen inteligjencën.

“Ata shumë shpejt do të ndërmarrin një aksion tjetër të ngjashëm. Ata do të dërgojnë njësitë në ndonjë vend të banuar me shqiptarë për të thënë se po luftojnë korrupsionin dhe krimin”, ka thënë Vuçiq.

This post was published on 2021-10-16 11:05 am

FM IMAGES

FM IMAGES ALBANIA – Publikon fotografi, satire, aktua;itet, politikë, dokumenta historike, foto të personaliteteve historike, politike dhe kulturore, foto nga Lufta e I dhe II Botërore, foto të qyteteve, dhe ngjarjeve historike.
Copyright © 2021 FMimages®, All Rights Reserved.

You may also like