Nga VMRO-DPMNE thonë se pas informacioneve të shpërndarë nga kjo parti, kryeministri njëherë edhe kreu i LSDM-së, Dimitar Kovaçevski ka thirrur në takim koordinativ deputetët, për t’u siguruar që të njëjtit do të votojnë ndryshimet kushtetuese, përcjell TV21. Nga kjo parti thonë se disa deputet brenda LSDM-së nuk kanë pranuar të nënshkruajnë dokumentin.
“Kovaçevski të dalë dhe të tregojë dokumentin se sa deputetë të LSD-së nuk i kanë nënshkruar se do të votojnë për ndryshimet kushtetuese. Kovaçevski duhet të thotë nëse pas zbulimit të VMRO-DPMNE-së për deputetët e LSD-së që nuk pajtohen me politikat për ndryshimet kushtetuese, ai i ka thirrur në një koordinim grupor, gjatë të cilit u kërkoi të nënshkruajnë dokumentin se do të mbështesin pa kushte ndryshimet kushtetuese, gjë që nuk ndodhi sepse deputetët e përmendur nuk ishin dakord”, thonë nga VMRO-DPMNE.
Sipas kësaj partie, edhe 1 deputet i BDI-së ka kërkuar para për të votuar ndryshimet kushtetuese.
“3 deputetë të NJZ numër 1 dhe 2 i kanë thënë se nuk do të mbështesin ndryshimet kushtetuese, ndërsa 6 deputetë të koalicionit i kanë deklaruar se votimi i ndryshimeve kushtetuese është gjëja më e keqe që mund të bëjnë. Kovaçevski e di se as deputetët e tij nuk do t’i mbështesin ndryshimet kushtetuese dhe për këtë arsye është nervoz. E njëjta situatë është edhe në BDI, ku një deputet ka kërkuar para për të votuar”, pohojnë nga VMRO-DPMNE.
