Grupi i rezistencës palestineze Hamas pretendon se vizita e presidentit amerikan Joe Biden në Lindjen e Mesme i shërben vetëm interesave të Izraelit.
Biden po viziton Izraelin si pjesë e një turneu rajonal që përfshin gjithashtu Bregun Perëndimor dhe Arabinë Saudite.
“Vizita e Bidenit do t’i shërbejë vetëm interesave të Izraelit në rajon në kurriz të çështjes palestineze”, tha zëdhënësi i Hamasit, Hazem Qassem për Anadolu Agency (AA).
Ai shtoi se presidenti amerikan po përpiqet të “thellojë ndarjet rajonale dhe të formojë koalicione të reja që synojnë forcat e gjalla të kombit tonë”.
“Interesat e Izraelit janë qëllimi kryesor i të gjithë vizitave të presidentëve amerikanë në rajon”, beson Qassem.
Një zëdhënës i Hamasit bëri thirrje për “përpjekje kundër politikave sioniste dhe amerikane dhe forcimin e marrëdhënieve me forcat e rezistencës”. /tesheshi.com/
