Shefja e prokurorisë për ndjekjen e krimit të organizuar dhe korrupsionit, Vilma Ruskoska është shkarkuar nga puna pas kallzimit penal që bëri drejtori i policisë financiare Arafat Muarremi. Po ashtu Prokuroria Publike ka dorëzuar propozim për fillimin e procedurës disiplinore për të përcaktuar përgjegjësin e tre prokurorëve publikë. Prokuroria informoi se procedurë disiplinore është ngritur edhe kundër kolegëve të Ruskovskës, konkretisht prokuroreve, Elizabeta Josifkovska dhe Ivana Trajçeva.
Prokuroria Publike
“Në bazë të nenit 81 të Ligjit për Prokuroritë Publike, Prokurori Publik i Republikës së Maqedonisë së Veriut ka marrë aktvendim për largim nga detyra për një prokuror publik, ndërsa procedura penale ka filluar pas kallëzimit penal kundër prokurorit të permendur”.
Nga prokuroria informojnë se sot është dorëzuar propozim për fillimin e procedurës disiplinore për të përcaktuar përgjegjësinë e tre prokurorëve publikë, të cilët dyshohen se me dashje dhe në mënyrë të pajustifikueshme kanë bërë një gabim të madh profesionist.
Më 18 korrik, prokuroria e krimeve të rënda hyri në zyrat e drejtorisë së policisë financiare dhe në zyrën e drejtorit Arafat Muaremi. Më pas kryeprokurori Lubomir Jovenski doli në përfundimin se ka pas shkelje nga ana e tre prokurorëve të krimeve, ndërsa pak ditë më vonë Muarremi e paditi Ruskovskën. Ruskovska kërkoi ndihmën e ndërkombëtarëve me anë të një letre të hapur. /SHENJA/