Mesfushori i talentuar spanjoll Gavi, i ka dhënë fund këtij sezoni futbollistik për shkak të një dëmtimi që pësoi dy ditë më parë në ndeshjen e Spanjës ndaj Gjeorgjisë në kualifikueset e Euro 2024. Futbollisti ka pësuar një dëmtim të rëndë dhe do t’i nënshtrohet një ndërhyrje kirurgjikale, e cila do ta lërë jashtë fushave të lojës për të paktën 6-7 muaj.
Kjo do të thotë se futbollisti do të mungojë për pjesën e mbetur të sezonit për katalanasit, si dhe do të jetë spektator edhe në EURO 2024, ku pritej të ishte një nga yjet e turneut. Për lojtarin kishte dëshpërim në fushë, por edhe emocione sot kur është kthyer për herë të parë në klub për t’u takuar me stafin e katalanasve dhe shokët e skuadrës.
Ai është pritur me përqafime dhe duartrokitje nga shokët e tij që i kanë dhënë zemër për këtë situatë të vështirë në të cilën ndodhej, teksa vetë Gavi nuk ka mbajtur lotët, i dëshpëruar që do të qëndrojë për një kohë shumë të gjatë larg fushave të lojës.
Always Gavi 💙❤️#EveryoneWithGavi pic.twitter.com/ZKJua1kdUS
— FC Barcelona (@FCBarcelona) November 21, 2023
PANORAMASPORT.AL