(VIDEO) Grkovska: Fushatat zgjedhore të jenë transparente, që të mos ketë lajme të rreme dhe dezinformata

by admin
Spread the love
1a7253ebfd94147be1a9016b1f9dc492.jpeg

Zëvendëskryeministrja, Slavica Gërkovska, i është drejtuar pjesmarrësve në procesin e zgjedhjeve që t’i kenë parasysh jo vetëm ligjet por edhe parimet etike gjatë kryerjes së aktiviteteve të tyre, pasi që me shpalljen e zgjedhjeve dhe fillimin e periudhës parazgjedhore është shumë e rëndësishme që pjesmarrësit t’i posedojnë këto parime. Gërkovska nëpërmjet një letre të hapur thekson qytetarët nuk duhet të përballen me situatat e herave të kaluara e sidomos nga e kaluara jo shumë e largët gjatë periudhës kohore të zgjedhjeve.

SLAVICA GËRKOVSKA, ZËVENDËSKRYEMINISTRE

“Zhvillimi i drejtë i zgjedhjeve është baza dhe parakushti kryesor për përfshirjen e të gjitha parimeve të tjera të qeverisjes së mirë, të përcaktuara nga Këshilli i Evropës. Dhe për të siguruar një atmosferë të drejtë dhe demokratike, është e domosdoshme që çdo pjestarë në zgjedhje të veprojë me përgjegjësi dhe etikë dhe të mos kërcënojë integritetin e procesit zgjedhor”.

 Ajo shtoi se detyrë e përbashkët është që të sigurojnë një armosferë të sigurt dhe demokratike ndër to institucionet të jenë të parat në linjën e përgjegjësisë, në të cilën çdo votues lirshëm mund të ushtrojë të drejtën e tij demokratike. Sipas Gërkovskës, prioritet në veprimin politik duhet të jetë mirëqenia e qytetarëve dhe besimi i ndërsjellt ndërmjet komuniteteve në shoqërinë multikulturore.

SLAVICA GËRKOVSKA, ZËVENDËSKRYEMINISTRE

“Në këto kohë sfiduese, transparenca e fushatave zgjedhore është veçanërisht e rëndësishme, pasi qytetarëve duhet t’u mundësohet që të marrin vendime bazuar në informacione të sakta. Lajmet e rreme, narrativat e dëmshme dhe dezinformatat bëjnë të kundërtën. Dhe për këtë është e rëndësishme që të gjitha subjektet politike t’i prezantojnë programet e tyre në mënyrë të hapur dhe të ndershme, pa manipulime.

Gërkovska thekson se periudha parazgjedhore dhe ajo zgjedhore është një mundësi për të treguar pjekurinë e demokracisë  dhe pjestarëve në të dhe prandaj është me rënndësi që secili bartës dhe pretendent për funksion, të udhëheq me shembull personal duke ia bashkangjitur standartet etike dhe principet demokratike.  Ajo shtoi se ata të cilët kërkojnë besim në zgjedhje duhet të punojnë në interesin më të mirë të mundshëm të qytetarëve dhe të vendit. /SHENJA/

MARKETING



You may also like