Një tjetër anije kozmike kineze është kthyer në çështje shqetësuese, një vit pasi një tjetër mjet hapësinor i Pekinit përfundoi duke u rrëzuar në Oqeanin Indian. Tashmë, ekspertët druhen se një pjesë e raketës Long March që peshon 21 ton dhe që u lëshua në hapësirë të dielën, mund të mos digjet plotësisht kur të futet në atmosferën e Tokës.
Nëse ndodh kështu, atëherë ajo do të rrëzohet në vendndodhje të paplanifikuar dhe me një shpejtësi të madhe.
Edhe pse shanset që mbetjet e raketës të rrëzohen në një zonë të banuar janë shumë të vogla, shumë ekspertë besojnë se Kina po merr rreziqe që mund të ishin shmangur. Raketa kineze u ngrit nga vendi i lëshimit Wenchang në provincën jugore të ishullit Hainan në fundjavë.
Ajo po mbante një laborator të ri me energji diellore, modulin e eksperimentit Wentian, që do t’i shtohej Stacionit Hapësinor Tiangong të Kinës. Megjithatë, ekspertët janë të shqetësuar se pjesë nga trupi i raketës mund të bien në Tokë –duke përsëritur kështu atë që ndodhi majin e kaluar kur raketa kineze përfundoi në Oqeanin Indian.
Rruga Press
