Dinamo fitoi derbin kundër Tiranës dhe pas ndeshjes foli trajneri Rodolfo Vanoli, i cili shpalli edhe objektivin për sezonin e ardhshëm. Italiani kërkon Kupat e Europës përmes Kupës së Shqipërisë.
“Prej kur jam këtu ekipi është rritur shumë. Më vjen keq për rezultatin me Kukësin, pasi mund të bënim më shumë dhe në ndeshjet e fundit të diskutonim mbijetesën.
Në këto ndeshjet e fundit kemi bërë një fitore, një barazim dhe humbje. Kjo tregon rritjen ekipit dhe merita është e lojtarëve”, tha Vanoli në emisionin “Gol pas Goli”.
“Kam shumë respekt për djemtë e skuadrës, në fundin e kampionatit do të takohem me presidentin për të bërë një skuadër të fortë. Dua një ekip konkurrues.
Dua të synoj Kupën në sezonin e ardhshëm dhe të futem në Europë. Kjo skuadër ka treguar, që sikur të kisha ardhur më parë dhe me dy apo tre ndërhyrje ekipi, mund të kishte fituar”, përfundoi italiani. / oversport.tv