KIEV, 16 nëntor /ATSH-DPA/- Rusia është e vetmja përgjegjëse për sulmin raketor në territorin polak që shkaktoi vdekjen e dy personave, deklaroi sot zyrtari i lartë ukrainas, Mykhailo Podolyak.
“Rusia është përgjegjëse për rreziqet në rritje në vendet fqinje”, shkroi sot në Twitter këshilltari i zyrës presidenciale, Podolyak.
“Është koha që Evropa të mbyllë fluturimet mbi Ukrainë”, tha Podolyak, duke bërë thirrje për ndalimin e fluturimeve mbi territorin e saj.
Si Polonia ashtu edhe NATO-ja ia atribuan sulmin në territorin polak një rakete anti-ajrore ukrainase.
Sekretari i përgjithshëm i NATO-s, Jens Stoltenberg tha se nuk kishte asnjë indikacion se Rusia po përgatiste veprime ushtarake kundër NATO-s.//a.i/