DNIPROPETROVSK, 2 gusht /ATSH-ANSA/ – Filloi evakuimi i detyruar nga rajoni i Donetskut, ndërkohë që treni i parë mbërriti në Kropyvnytsky sot në mëngjes, njoftoi zëvendëskryeministrja ukrainase dhe ministrja për Riintegrimin e Territoreve të Zëna Përkohësisht, Iryna Vereshchuk në Telegram.
”Kemi evakuuar gratë, fëmijët dhe të moshuarit. Të gjithë janë të mirëpritur, të gjithë u ndihmuan”, shpjegoi ajo.
Në ditët në vijim do të evakuohen deri në 220 000 banorë.
”Evakuimi është planifikuar në funksion të ofensivës së mundshme ruse, që do të linte banorët pa ngrohje dhe me infrastrukturë tërësisht të shkatërruar”, sqaroi ministrja./ a.jor.