ANKARA, 28 qershor /ATSH-DPA/ – Presidenti turk, Recep Tayyip Erdogan deklaroi se ofertat suedeze dhe finlandeze për t’u bashkuar me aleancën e NATO-s varen nga masat konkrete për të lehtësuar shqetësimet e Turqisë në luftën kundër terrorizmit.
”Ne nuk duam fjalë boshe, ne duam rezultate”, u tha Erdogan gazetarëve në Ankara para nisjes së tij për në Madrid duke shtuar se ishte lodhur duke pritur.
”Nëse Suedia dhe Finlanda duan të bëhen anëtarë të NATO-s, ata duhet të marrin seriozisht shqetësimet e sigurisë së Turqisë, e cila ka qenë anëtare e aleancës për 70 vjet”, theksoi Erdogan.
Ai përsëriti kritikat e Ankarasë, sipas së cilës Suedia dhe Finlanda mbështesin Partinë e ndaluar të Punëtorëve të Kurdistanit (PKK), e klasifikuar gjithashtu si një grup terrorist nga SHBA dhe BE.
Erdogan do të takohet sot në Madrid me kryeministren suedeze, Magdalena Andersson dhe presidentin finlandez, Sauli Niinisto./ /os/
