Një turist amerikan është zhdukur në mënyrë të pashpjeguar teksa vizitonte rrënoja të civilizimit të lashtë Maja në pyjet tropikale të Guatemalës, duke bërë të nisë një misioni gjerë kërkim-shpëtimi nga autoritetet.
66 vjeçari Raymond Vincent Ashcroft, dhe bashkëshortja e tij po ecnin mes rrënojave të famshme Maja në qytezën e lashtë të Tikal së bashku me grupin e tyre me të apasionuar pas zogjve, kur ai papritur tha se donte të kthehej në dhomën e hotelit, thanë autoritetet, sipas rrjetit CBS.
Bashkëshortja e tij, Van Phung kishte qëndruar me grupin duke bërë foto të zogjve tropikalë dhe të aligatorëve në zonën e shpallur trashëgimi botërore, shkruante rrjeti vendas PrensaLibre.com.
Kur ajo ishte kthyer në hotel, bashkëshorti nuk shihej gjëkundi dhe pas njoftimit të autoriteteve një operacioni gjerë kërkimi nisi nga policia, zyrtarët e turizmit dhe njësi të ushtrisë.
Zyrtarët në Guatemala thanë se kanë njoftuar Interpol, i cili ka lëshuar një alarm “të verdhë” për të ndihmuar në gjetjen e “personave të dobët, të humbur”.
Tashmë pas shtatë javësh autoritetet janë ende në kërkim të Ashcroft pas zhdukjes së tij misterioze.
Qyteti i lashtë i Tikal mburret me tempuj dhe ndërtime të lashta të mrekullueshme. Ai është banuar prej shekullit të 6-të p.e.s. deri në shekullin e 10-të dhe rrethohet me qindra hektarë toka të mbrojtura, sipas agjencisë UNESCO.
Top Channel
