Ka përfunduar sezoni për Joao Felix. Sulmuesi portugez i Atletico Madrid u dëmtuan në ndeshjen e fundjavës përballë Espanyol dhe vizitat e specializuara kanë evidentuar një dëmtim në këmbën e majtë.
“Me trishtim të madh njoftoj se nuk kam mundësi të ndihmoj skuadrën në ndeshjet e fundit të këtij sezoni. Tani mund të mbështes Atleticon vetëm nga jashtë fushës dhe do të punoj shumë për tu rikthyer akoma edhe më i fortë”, shkruan portugezi në rrjetet sociale.
22-vjeçari ka shënuar 10 gola dhe ka dhënë 6 asiste në të gjitha kompeticionet me fanellën e Atletico Madrid këtë sezon. / Oversport.tv
Foto: Atlético de Madrid Twitter
