Tragjedi në Indonezi, ku të shtunën në mbrëmje kanë vdekur më shumë se 170 njerëz dhe mbi 200 janë plagosur, pas incidenteve që ndodhën në stadiumin “Kanjurahn” në qytetin Malang.
Tifozët e Arema FC pushtuan fushën pas humbjes përballë Pesebaya Surabaya, duke nisur një revoltë të vërtetë. Forcat e rendit nisën të lëshonin gaz lotsjellës në tribuna dhe në fushë, duke shkaktuar kështu një kaos total, që solli panik mes tifozëve.
Shumë njerëz u shtypën nga turma, duke humbur jetën. Sipas gazetave vendase mes viktimave ka edhe fëmijë. Sipas autoriteteve nga 42 mijë tifozë të pranishëm, të paktën 3 mijë u futën në fushë, duke nisur kështu një mbrëmje dramatike. Pritet që numri i viktimave të rritet, pasi ka shumë të plagosur. / Oversport.tv
129 killed in riot & stampede at football match in Indonesia after home team’s loss to arch rival in East Java pic.twitter.com/aIJiILHiyM
— Shiv Aroor (@ShivAroor) October 2, 2022