Thierry Henry ka pranuar se është i shqetësuar për gjendjen mendore të sulmuesit, Neymar, shkruan Zeri.info.
Henry tha se është i shqetësuar për shëndetin mendor të Neymarit, pasi ylli i PSG-së vazhdon të nënshtrohet me paraqitjet e tij në sezonin 2021-2022.
Neymar është duke kaluar ndoshta sezonin e tij më të keq deri më tani në fanellën e PSG-së, pasi deri më tani ka shënuar vetëm katër gola dhe ka dhuruar katër asistime në 18 paraqitje në të gjitha garat.
Braziliani, gjithashtu ka munguar për shkak të problemeve të njohura të dëmtimeve dhe ish-futbollisti francez, Henry është i shqetësuar për gjendjen e tij psikologjike.
Paraqitje të dobët Neymari bëri edhe në humbje 1-0 ndaj Nice të shtunën mbrëma.
Henry, i cili gjithashtu luajti për Arsenalin dhe Barcelonën mendon se sulmuesi 30-vjeçar ka kërkuar ndihmë gjatë intervistave të tij më të fundit në media.
“Kur analizon një veprim dhe ai nuk pozicionohet siç duhet, në rregull, ky është një fakt dhe duhet ta pranosh këtë. Po, ai nuk ka qenë aq i mirë, por ka arsye,” tha Henry për “L’Equipe”.
“Neymar ka folur shpesh në intervistat e tij të fundit për mirëqenien e tij, për presionin, kështu që mendimi im i parë është: “A është mirë”?, Nuk ka të bëjë me atë që ai nuk bën por për faktin se ai bën, nuk mundi më njerëzit me ritmin e tij.
“Ai flet, por a mund ta dëgjoni? Ai po kërkon ndihmë – ka gjëra që ndodhin në kokën e tij, si çdo qenie njerëzore.”
Intervista kryesore që Henry duket se është shqetësuar ende me shumë është ajo që Neymar i tha për “DAZN” vitin e kaluar, gjatë së cilës ai tha se po planifikon të tërhiqet nga futbolli ndërkombëtar në të ardhmen e afërt.
“Mendoj se është Botërori im i fundit [në 2022]”, tha ai. “E shoh si të fundit, sepse nuk e di nëse kam forcën e mendjes të merrem më me futboll”.
Ndërkohë, Neymar ka kontratë të vlefshme me PSG-n deri më 30 qershor 2025.
