Federata e Futbollit e Kosovës azhdon të ndajë çmimin “YLLI I JAVËS”, për lojtarin më të mirë të xhiros.
“YLLI I JAVËS” për xhiron e 13-të në Superligë është shpallur futbollisti nigerian në radhët e Ballkanit , Theophilus Solomon.
Sulmuesi 25-vjeçar i portokallezinjve ishte vendimtar në fitoren që skuadra e tij e arriti në derbin e javës kundër Dritës (2:0).
Ai shënoi të dy golat e kësaj përballje, duke ia mundësuar Ballkanit që të rikthehet në pozitën e parë.
Sulmuesi nigerian bëri bujë të madhe me transferimin te Ballkani, pasi vlerësohet si një futbollist mjaft produktiv dhe tashmë dalëngadalë po e kap formën e tij më të mirë edhe në futbollin kosovar, pasi përveç se ka shënuar 3 gola, ndeshje pas ndeshjesh po u shkakton telashe mbrojtjeve kundërshtare.
Çmimin “Ylli i javës” për sulmuesin e Ballkanit, e ndau Natare Hadri, specialiste në departamentin e marketingut në BKT. /insporti.com/
