Të gjithë po largohen sepse me Berishën e kanë humbjen në xhep

by admin
Spread the love

08.11.2022 – 20:20

Nga Kreshnik Spahiu

Vala e dorëheqjeve në Partinë Demokratike ka vazhduar sot me dy figurat më të larta, Grida Duma dhe Alfred Rushaj.

Të dy ishin zv/kryetarë të Partisë në kohën e Lulzim Bashës dhe në opinionin publik konsideroheshin si yje në ngritje dhe në karrierën e tyre ishin dy nga personalitetet më të forta të opozitës.

Largimi i tyre juridikisht zëvendësohet me mandatin e listë pasardhëse që sipas rradhës i bie të jenë dy mbështetës të afërt të Lulzim Bashës. Ky i fundit në përpjekje të rikuperimit të gabimeve të 2017 ku 30 deputet nga lista rezervë i dolën nga rreshti, këtë rradhë bëri kujdes që në listat rezervë 2021 të ishin besnikët e tij.

6 muaj para zgjedhjeve lokale, opozita shqiptare është më e çthurur se kurrë.

– dështuan primaret në rrethe sepse askush nuk kandidon për kryetar Bashkie sepse janë të sigurtë në rezultat humbës

– ju lutëm Ilir Metës të bashkohet me ata sepse s’kanë asnjë aleat

– 38 deputet që përfaqësojnē 380.000 votues demokratë janë kundër Sali Berishës

– partia është ndarë në 7 pjesē

– SHBA dhe UK u bën thirrje largoni Berishën

– BE i ka izoluar dhe nuk i njeh më si parti europiane

– as logo dhe as vulë nuk kanë

Historia më e zezë e një opozite në 100 vite po ndodh këtë dimër.

Po ikin gjithë, madje edhe ata që mbështetën Berishën.

Iku i pari Mark Marku, iku Grida Duma, iku Alfred Rusha, iku, iku, iku. Kanë 32 vjet vetëm largohen me mijëra drejtues dhe kontribues nga kjo parti që vetëm demokratike nuk është.

Po ikin të gjithë ata që janë afër dhe e kanë kuptuar se me Sali Berishën e kanë humbjen në xhep.

Po qëndrojnë vetëm disa kufoma që kanë vdekur politikisht ose njerëz të pashpresë që s’kanë alternativa sepse Ramën e urrejnë dhe s’dinë për kë të votojnë.

Po ikin dhe do vazhdojnë të ikin deri në vitin 2025 dhe atëherë do të shikoni sesi do vriten me njëri-tjetrin si atyre që u shpohet gomonja në mes oqeanit, por nuk dinë not.

Do kujtohen atëherë për t’u larguar por bregu do jetë shumë larg se nuk kanë shpëtim.

Iluzioni i foltores ishte zhgënjim i thellë.

– as nuk hapën dyert

– as nuk u bashkuan

– as nuk ju afrua askush

Ajo parti duhet mbyllur dhe hedhur buzë lumi,t ose në të kundërt demokracinë e mori lumi sepse këta vulë humbur do na lënë Edi Ramën edhe disa mandate në pushtet.

Thjesht po ikin të gjithë nga Titaniku i shpuar.

Po largohen më shumë udhëheqës nga partia sesa emigrantë nga Shqipëria.

Shyqyr o Zot kanë Lanën afër zyrave, sepse po të kishin hapësirë detare, do të duheshin mijëra gomone dhe komardare.

Lexo lajme interesante

You may also like